அமெரிக்காவில் சில தினங்களாக கொரோனா தொற்று பரவல் குறைந்திருந்த நிலையில் இன்றைய தினம் திடீரென உயர்ந்த தொடங்கியுள்ளது.மேலும் உயிரிழப்பவர்களின் எண்ணிக்கையும் அதிகரித்துள்ளது.
இதேவேளை, அமெரிக்காவில் கொரோனா வைரஸ் தொற்றினால் 24 மணிநேரத்தில் 1 லட்சத்து 12 ஆயிரத்து 828 பேர் பாதிக்கப்பட்டதோடு 1,494 பேர் உயிரிழந்திருப்பதாக தகவல் வெளியாகியுள்ளது. அமெரிக்காவில் இதுவரை மொத்தமாக 4 கோடியே 95 லட்சத்து 63 ஆயிரத்து 906 பேர் பாதிக்கப்பட்டுள்ளனர். மேலும், 8 லட்சத்து 4 ஆயிரத்து 862 பேர் மரணமடைந்துள்ளனர்.
அமெரிக்காவில் தற்போது வரை Covid-19 தொற்றினால் பாதிக்கப்பட்டு 94 லட்சத்து 85 ஆயிரத்து 305 பேர் அங்குள்ள வைத்தியசாலைகளில் சிகிச்சை பெற்று வருகின்றனர்.
மேலும், கொரோனா வைரஸால் பாதிக்கப்பட்டு 13,331 பேர் தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வருகின்றனர். அமெரிக்காவில் 67,837 பேர் கடந்த 24 மணித்தியாலத்தில் குணமடைந்துள்ள நிலையில், இதுவரையில் வைரஸ் தொற்றிலிருந்து 3 கோடியே 92 இலட்சத்து 73 ஆயிரத்து 739 பேர் குணமடைந்துள்ளனர்.
