தமிழ், தெலுங்கு என இரு மொழிகளிலும் முன்னணி நடிகைகளாக இருப்பவர்கள் சமந்தா, கீர்த்தி சுரேஷ். இருவரும் இணைந்து ‘மகாநடி’ படத்திலும் நடித்திருக்கிறார்கள். சில தினங்களுக்கு முன்பு கீர்த்தி சுரேஷ் ‘மெட்டாலிக் கிரே’ கலரில் ஒரு நீள கவுனை அணிந்து போட்டோ ஷுட் ஒன்றை நடத்தி அந்த புகைப்படங்களை தனது சமூக வலைத்தளங்களில் வெளியிட்டிருந்தார். அந்த ஆடையைப் போலவே சமந்தாவும் இதற்கு முன்பு அணிந்துள்ளார் என சமூக வலைத்தளங்களில் சமந்தாவின் போட்டோவையும் ரசிகர்கள் பகிர்ந்தார்கள்.
ஒரே விதமான அந்த ஆடையில் யார் அழகாக இருக்கிறார்கள் என ரசிகர்கள் கமெண்ட் செய்ய ஆரம்பித்துவிட்டார்கள். இதில் என்ன சிறப்பு என்றால் சமந்தாவின் அதே ஆடை போட்டோக்கள் மூன்று வருடங்களுக்கு முன்பு வெளியிடப்பட்டவை. அதைத் தேடிப் பிடித்து இப்படி ஒரு விவாதம் நடத்தி வருகிறார்கள் ரசிகர்கள்.
