யா யா, பக்ரீத் படங்களை தயாரித்த எம்.எஸ்.முருகராஜ் அடுத்து தயாரிக்கும் படம் சிக்னேச்சர். இதில் நட்டி நட்ராஜூம், ஜீவனும் இணைந்து நடிக்கிறார்கள். இவர்களுடன் இளவரசு, ஹரிஷ் பெரடி, மன்சூர் அலிகான், ஜார்ஜ், மாறன் மற்றும் பலர் நடிக்கின்றனர். கதாநாயகி தேர்வு நடைபெற்று வருகிறது. பக்ரீத் படத்தை இயக்கிய ஜெகதீசன் சுபு இயக்குகிறார். சீனிவாசன் தயாநிதி ஒளிப்பதிவு செய்கிறார்.
படம் பற்றி இயக்குனர் ஜெகதீசன் சுபு கூறியதாவது : நாம் போடுகிற ஒவ்வொரு கையெழுத்தும் எவ்வளவு முக்கியமானது. அதை பயன்படுத்தி, அவங்க தலையெழுத்துல தாளம் போடுறது தான் இந்த படத்தின் கதை. சாமானிய மக்களோடு பழகி அவங்க ரகசிய டேட்டாவை திருடும் கேரக்டரில் ஜீவன் நடிக்கிறார். அதே டேட்டாவை பயன்படுத்தி மக்களை வேட்டையாடுபவராக நட்டி நடிக்கிறார். இவர்கள் இணைந்து செய்யும் ‘சீட்டிங்’ தான் படத்தின் திரைக்கதை சுவாரசியம். ஒரே கட்ட படபிடிப்பாக சென்னை, மும்பை மற்றும் துபாய் போன்ற பல இடங்களில் நடைபெறுகிறது.
