நேற்றைய தினம் ஓய்வு பெறவிருந்த இளநிலை பணியாளர்களை இலங்கை புகையிரத ஊழியர்களை, தேவைப்பட்டால் ஒப்பந்த அடிப்படையில் தக்கவைத்துக் கொள்ள அனுமதி வழங்கப்பட்டுள்ளது.
சேவை தேவையின் அடிப்படையில் இந்த நடவடிக்கைக்கு ஜனாதிபதியின் செயலாளர் அனுமதி வழங்கியுள்ளார்.
ஜனாதிபதியின் செயலாளர் சமன் ஏகநாயக்க இலங்கை புகையிரத பொது முகாமையாளருக்கு எழுத்து மூலம் அனுமதி வழங்கியுள்ளார்.
நேற்றைய தினம் ஓய்வு பெறவிருந்த ஊழியர்களை தொடர்ந்தும் தக்கவைத்துக் கொள்ளுமாறு பல்வேறு ரயில்வே தொழிற்சங்கங்களால் பல்வேறு கோரிக்கைகள் முன்வைக்கப்பட்டிருந்தன.
இளநிலை பணியாளர்களின் சேவை இல்லையெனில் சில நிலையங்கள் இயங்காது என அவர்கள் கருதினர்.
அதன்படி தற்போது சில ஊழியர்களை ஒப்பந்த அடிப்படையில் தக்கவைத்துக் கொள்ள பொது மேலாளருக்கு அனுமதி வழங்கப்பட்டுள்ளது.
