வலிமை படத்தில் சண்டைக் காட்சியில் நடித்தபோது அஜித்தின் கையில் காயம் ஏற்பட்டு அதற்கு மருத்துவர் ஒருவர் மருந்து போட்டு விடும் புகைப்படம் ஒன்று சமீபத்தில் சோசியல் மீடியாவில் வைரலாகி வந்தது. இந்த நிலையில் தற்போது வலிமை படப்பிடிப்பு நடைபெற்று வந்த போது ட்ரோன் கேமராவை அஜித் இயக்கும் வீடியோ ஒன்று வெளியாகி வைரலாகி வருகிறது. மேலும், வலிமை படப்பிடிப்பு நடைபெற்றபோது சில நாட்களில் அஜித்குமார் ட்ரோன் கேமராவை இயக்கினார் என்று ஏற்கனவே செய்திகள் வெளியாகி வந்தன.
இந்த நிலையில் தற்போது அதுகுறித்து வீடியோ வெளியாகி இருப்பது அதை உறுதிப்படுத்தும் வகையில் அமைந்துள்ளது. அஜித்குமாரை பொருத்தவரை பைக் ரேஸ் மட்டுமன்றி படப்பிடிப்புத் தளங்களில் சிறிய ரக விமானங்களை பறக்க விடுவதை வாடிக்கையாக வைத்திருந்தார். அதையடுத்து தற்போது ட்ரோன் கேமராக்களையும் இயக்க தொடங்கி இருக்கிறார்.
