ஹிந்தியில் ஷாருக்கானை வைத்து ஒரு படத்தை இயக்கி வருகிறார் அட்லி. இதையடுத்து விஜய் நடிக்கும் 67வது படத்தை அவர் இயக்கப் போவதாக அவ்வப்போது செய்திகள் வெளியாகி வருகின்றன. இந்த நேரத்தில் தற்போது டோலிவுட்டில் புஷ்பா படத்தில் நடித்துள்ள அல்லு அர்ஜுனை வைத்து அட்லி தனது அடுத்த படத்தை இயக்கப்போவதாக செய்திகள் வெளியாகியுள்ளன.
பிகில் படத்தை இயக்கிய பிறகு பல பிரபல நடிகர்களிடத்தில் கதை சொல்லி வந்த அட்லி, அல்லு அர்ஜுன் இடத்திலும் ஒரு கதை சொல்லி இருக்கிறார். அந்த கதையில் நடிப்பதற்கு தற்போது சம்மதம் தெரிவித்திருக்கிறாராம் அல்லு அர்ஜுன். அதன் காரணமாகவே ஷாரூக்கான் படத்தை இயக்கி முடித்ததும் அல்லு அர்ஜுன் நடிக்கும் படத்தை அட்லி இயக்குவார் என்று செய்திகள் வெளியாகி வருகின்றன. அதோடு, அல்லு அர்ஜுனை வைத்து அட்லி இயக்கும் படம் தமிழ், தெலுங்கு, ஹிந்தி என மூன்று மொழிகளில் பிரமாண்டமாக உருவாக இருப்பதாகவும் கூறப்படுகிறது.
